Am 26. Dezember 2024 het mir mini Tante äs säubergmachts Müesli gschänkt – dr Funke, wo d'Idee zur Müeslistube Thun entzündet het.

Näbst mim Pflegestudium isch das Schritt für Schritt es Härzensprojekt worde, wo i sit Februar 2025 mit viu Liideschaft verfouge u sit em 14. Oktober 2025 Näbebrueflech füehre.

​

Was mau chli aagfange het, isch hüt e chlini Manufaktur im Bärner Oberland. Mini Müesli mache i vo Hand – us sorgfäutig usgwählte Bio-Zutate, glutenfrei, vegan u ohni zuegsetzte Zucker. Im Mittupunkt steit für mi guete Gschmack, höchi Qualität u Transparänz.

​

Ändi April 2026 hani mini Website neu gmacht, e neui Sorte entwicklet u mini Rezäpt no wyter verfineret. Jz bini dr nächst Schritt gangä u ha d Müeslistube Thun offiziell aus Einzungernähmig agmäldet. Sitem 20 April 2026 si mini Müesli ou ir Öpfukurve im Gwatt erhäutlich

​

I freue mi, we du mi uf mim wyterä Wäg begleitisch – u mir zäme, d'Freud a richtig guetem Müesli teile.

​

Wiukomme i dr Müeslistube Thun – wo Müesli mit Härz u vo Hand entsteit.